«Սյունիք» օդանավակայանի ավիացիոն անվտանգությունն իրականացնում է ավիացիոն անվտանգության ապահովմանն ուղղված գործառույթների շարք, որի նպատակն է պահպանել ինչպես օդանավակայանի, այնպես էլ օդանավի անձնակազմի անդամների, վերգետնյա անձնակազմի և ուղևորների անվտանգությունը: «Սյունիք» օդանավակայանի ավիացիոն անվտանգությունն իրականացնում է մի շարք գործառույթներ, որոնք ներառում են վերահսկելի և հատուկ վերահսկելի գոտիների պահպանությունը, անցագրերի տրամադրումը և վերահսկումը, մեկնող ուղևորների, օդանավի անձնակազմի, ձեռքի իրերի, ուղեբեռի, փոստի, օդանավի պիտույքների, օդանավակայանի հատուկ վերահսկելի գոտիներում ավիացիոն գործունեություն իրականացնող կազմակերպությունների աշխատողների ավիացիոն անվտանգության հսկողության ապահովման կազմակերպման և իրականացման աշխատանքները, օդանավակայանի տարածքի և մեկնող ուղևորների սպասարկման գործընթացների տեսահսկումը: